जनस्वास्थ्यविद् डा. समीरमणि दिक्षितले कोरोनाविरुद्धको खोप कोभिशिल्डमा कोरोना भाईरस नहुने प्रष्ट्याउनुभएको छ ।

सामाजिक संजाल ट्वीटरमा ट्वीट गर्दै जनस्वास्थ्यविद् डा. दिक्षितले भाईरसको सानो अंश अर्कै कमजोर र रोग लगाउन नसक्ने बनाइएको अडेनो भाईरस भित्र राखेर मानव शरीरमा पठाइने बताउनुभयो ।

‘भन्नुपर्दा शरीरलाई झुक्याइन्छ, कोरोना नै आयो भनेर । त्यसैले शरीरले प्रतिरक्षा प्रणाली परिचालन गर्छ, कोरोनाको विरुद्ध’ दिक्षितले लेख्नुभएको छ ।

साथै कोरोनाविरुद्धको खोप लिएपछि रुघा, ज्वरो, जिउ दुख्ने इत्यादि लक्षण देखिनु सामान्य प्रक्रिया भएको पनि उहाँले जनाउनुभएको छ ।

यस किसिमका लक्षणलाई सरुवा रोग संक्रमणमा शरीरको प्रतिरक्षा प्रणालीले काम गरिरहेको बलियो संकेतको रुपमा दिक्षितले व्याख्या गर्नुभएको छ ।

उहाँले अगाडी लेख्नुभएको छ, ‘कसैकसैमा भने यी लक्षणहरु अलि कडा देखिन्छ, तर यसबाट गम्भीर समस्या आउने सम्भावना अत्यन्तै न्युन हुन्छ ।’

रुघा,ज्वरो, जिउ दुख्ने इत्यादि लक्षण देखिनु भनेको सरुवा रोग संक्रमणमा शरीरको प्रतिरक्षा प्रणालीले काम गरीरहेको बलियो संकेत हो । त्यसैले खोप पश्चात यी देखिनु सामान्य हो । कसैकसैमा भने यी लक्षणहरु अलि कडा देखिन्छ, तर यसबाट गम्भिर समस्या आउने सम्भावना अत्यन्तै न्युन हुन्छ ।

— Sameer M Dixit, PhD (@smadixit) February 3, 2021

Categorized in विज्ञान-प्रविधी