भारतमा जारी किसान आन्दोलनलाई लिएर संयुक्त राष्ट्र संघले प्रशासन र प्रदर्शनकारी दुवै पक्षलाई अधिकतम संयम हुन अपील गरेको छ ।

यूएन ह्यूमन राइट्सले शान्तिपूर्ण ढङ्गले भेला हुन पाइने अधिकारको अफलाइन र अनलाइन दुवै स्थानमा सुरक्षा हुनुपर्ने बताएको छ ।

सबैको मानव अधिकारको सम्मान गर्दै न्यायसंगत समाधान निकाल्नु जरुरी भएकोमा संघले जोड दिएको छ ।

भारतमा दुई महिना भन्दा बढि समयदेखि जारी किसान आन्दोलनलाई लिएर संयुक्त राष्ट्र संघले पहिलो पटक बोलेको हो ।

यसअघि अमेरिकी उपराष्ट्रपति कमला ह्यारिसकी भान्जी मीना ह्यारिस, पर्यावरण कार्यकर्ता ग्रेटा थनबर्ग र पूर्व पोर्न स्टार मिया खलीफाले पनि किसान आन्दोलनलाई लिएर आ–आफ्ना विचार ट्वीट गरिसकेका छन् ।

#India: We call on the authorities and protesters to exercise maximum restraint in ongoing #FarmersProtests. The rights to peaceful assembly & expression should be protected both offline & online. It's crucial to find equitable solutions with due respect to #HumanRights for all.

— UN Human Rights (@UNHumanRights) February 5, 2021

Categorized in अन्तर्राष्ट्रिय