नेवार समुदायमा प्रतिभाको खोजी गर्दै मिस्टर एण्ड मिस नेवाः नेपाल ११४० हुने भएको छ । अन्य भन्दा फरक र वृहत किसिमको हुने दावीसहित नेवाः समुदायका पुरुष साथै महिलाहरुको सौन्दर्य प्रतियोगीता हुन लागेको हो ।

काठमाडौंमा पत्रकार सम्मेलनको आयोजना गरी आयोजक ह्याप्पी इन्टरटेनमेन्ट एन्ड फेसन हाउसले कार्यक्रमको घोषणा गरेको हो ।

युवा पुस्तामाझ भाषा, कला, संस्कृतिलाई सम्वर्ध्दन गर्ने उद्देश्यका साथ प्रतियोगिता गर्न लागेको आयोजक कम्पनीकी प्रमुख प्रशासकिय अधिकृत दीया श्रेष्ठले पत्रकार सम्मेलनमा दिनुभयो ।

‘अहिलेसम्म हुँदै आएका प्रतियोगीताहरुले आफ्नो मातृभाषा, सँस्कृति संरक्षणको क्षेत्रमा निरन्तरता दिन प्रेरीत गरेको पाइन । यस प्रतियोगीताबाट यूवा पुस्तालाई आफ्नो प्रतिभा उजागर गर्नका साथै समाजमा निरन्तर सक्दो योगदान दिन प्रेरीत गर्नेछ’ श्रेष्ठले भनिन् ।

आउँदो पुस ५ गते काठमाडौंको जमलस्थित राष्ट्रिय नाचघरमा उक्त प्रतियोगिता हुने जानकारी आयोजकले दिएको छ । 

सोभन्दा अघि विभिन्न चरणमा काठमाडौं, भक्तपुर र ललितपुरमा अडिसन गरिने प्रमुख प्रशासकिय अधिकृत श्रेष्ठले बताउनुभयो । 

अन्तिम प्रतिस्पर्धामा पहिलो हुनेलाई नगदसहित महिलालाई चाँदिको ताज र पुरुषलाई चाँदिको खुकुरी प्रदान गरिनेछ । नगद पुरस्कारमा पहिलोलाई रु. ३० हजार, दोश्रोलाई रु. २० हजार र तेश्रोलाई रु. १० हजार दिइनेछ ।

प्रतियोगितामा १६ वर्षदेखि ३० वर्ष उमेर समूहका व्यक्तिहरुले भाग लिन पाउने भएका छन् ।

Categorized in पेजथ्री