पोखरा महानगर भित्र मापदण्ड मिचेर बनाइएका संरचनामा महानगरपालिकाले डोजर चलाएको छ ।

महानगरले सडक क्षेत्रको मापदण्ड मिचेर बनाएका संरचनामा डोजर लगाएको हो । महानगरले आइतबार नगर प्रहरी र नेपाल प्रहरीको सहयोगमा बिरौटा चोकदेखि तीनकुनेसम्मका मापदण्ड मिचेर बनाइएका संरचनामा डोजर लगाएको हो ।

मापदण्ड मिचेर बनाएका फिस्टेल हाउजिङका ५ घरका पर्खाल, गेट र कार्यालय भत्काएको हो ।

यसअघि पनि महानगरले त्यही सडकखण्डमा मापदण्ड मिचेर बनाएका दर्जन घरहरु भत्काएको थियो ।

महानगरले सुरुमा २६ मिटर चौडा सडक बनाउने योजना अघि सारेका थियो । तर उक्त मापदण्डमा ५६ घर भत्किने भएपछि घटाएर २४ मिटरको सडक बनाइने भएको हो ।

उक्त मापदण्डमा २१ घरले मापदण्ड विपरीत संरचना बनाएको पाइएको छ ।

मापदण्डभित्र परेको संरचनालाई पटक पटक सूचना निकालेर हटाउन आग्रह गर्दासमेत नहटाएपछि महानगरले एस्काभेटर प्रयोग गरी भत्काएको हो ।

Categorized in स्थानीय