काठमाडौं उपत्यकाको लोपोन्मुख यः सिं गुं पर्व शनिबारबाट शुरु भएको छ ।

यःसिं गुं पर्वको अवसरमा  शनिबार  काठमाडौंको भिमसेनस्थानको मन्दिर परिसरमा शनिवार महिलाहरुले यःसिं उठाएको छ ।

अनौठो अनि दुर्लभकै रुपमा लिंदै आएको उक्त पर्व भिमसेनस्थानका स्थानीय महिलाहरुले हिजो विहान ८ बजेर ४५ मिनेटको शुभसाईतमा यःसिं उठाएको हो ।

यो पर्व अबको एक महिनासम्म चल्नेछ । महिलाहरुलाई जागरुक बनाउन र अघि सार्नका लागि सांकेतिक रुपमा यो पर्व मनाइने गरिन्छ ।

पर्वको बारेमा बोल्दै सम्पदा संरक्षण समाज नेपालका अध्यक्ष सुरज सायमीले परापूर्वकालद्खि चलिरहेको यो पर्व २५ वर्ष रोकिएपछि पुनः शुरु गरिएको बताउनु भयो ।

उहाँले महिला सशक्तिकरणलाई जोड दिनका लागि यो पर्व शुरु गरिएको बताउनु भयो । त्यस्तै पर्वमा सहभागी महिला रञ्जु कपालीले महिलालाई जागरुक बनाउनका लागि यो पर्व शुरु गरिएको बताउनु भयो ।

उहाँले २५ वर्ष पहिला रोकिएको यो पर्वलाई महिला सशक्तिकरणका लागि पुनः शुरु गरिएको बताउनु भयो ।

उहाँले महिलाहरु पछि परिरहेको समयमा महिलालाई कुनैपनि काममा अघि बढाउनुपर्ने सन्देशसहित यो पर्व मनाइने बताउनु भयो ।

Categorized in संस्कृति