कोरोनाभाइरस (कोभिड १९) महामारीकै बीच आजबाट पूर्वी क्यारेबियन देश सेन्ट भिन्सेन्ट र द ग्रेनेडाइन्समा भिन्सी प्रिमियर टी १० लिग प्रतियोगिता (विपिएल) सुरु भएको छ ।

महामारीका बीच शुरु गरिएको खेलबाट संक्रमण फैलन नदिन केही नियम परिवर्तन गर्न प्रस्ताव गरेको छ ।

खेलाडी तथा म्याच अफिसियलको सुरक्षालाई ध्यानमा राख्दै नियम परिवर्तन गरिएको हो । 

कोरोना संक्रमण सर्न सक्ने सम्भावनालाई मध्यनजर गर्दै बललाई चम्काउनका लागि थुक र पसिनाको प्रयोगमा निषेध गरिएको छ । 

खेलमा सबै टिमका लागि अलग्गै ड्रेसिङ रुमको व्यवस्था गरेको आयोजक सेन्ट भिन्सेन्ट तथा ग्रेनेडाइन्स क्रिकेट एशोसियसन (एसभिजिए) का अध्यक्ष किशोर शालोले बताए ।

यसको साथै खेलाडीलाई हात धुन र स्यानिटाइज गर्नका लागि छोटो ब्रेकको पनि व्यवस्था हुनेछ ।

शालोले कोरोनाभाइरस फैलिरहेको समयमा म्याच भइरहेको हुँदा रंगशालामा दर्शकहरुलाई टाढा बस्ने व्यवस्था गरेको बताए ।

खेलाडीहरुले भने आफ्ना समर्थकलाई भेट्न पाउने छैनन् ।

लिग ३१ मईसम्म जारी रहनेछ ।

प्रतियोगितामा ६ टिमले १० दिनको दौरान २८ खेल खेल्नेछन् । 

हरेक दिन ३ म्याच खेलिनेछ । 

लिगमा ६ वटा टोलीबाट ७२ जना खेलाडीहरुको सहभागीता रहेको छ । 

Categorized in स्पाेर्ट्स