भारतीय विदेश सचिव विक्रम मिश्री काठमाडौं आइपुग्नु भएको छ ।

परराष्ट्र मन्त्रालयका सचिव सेवा लम्सालको मैत्रीपूर्ण निमन्त्रणामा भारतका विदेशसचिव विक्रम मिस्री नेपालको दुईदिने औपचारिक भ्रमण यहाँ आइपुग्नुभएको छ ।

त्रिभुवन अन्तर्राष्ट्रिय विमानस्थलमा सचिव लम्सालले मिश्रीलाई स्वागत गर्नुभयो । भ्रमणका अवसरमा दुवै देशका परराष्ट्र सचिवबीच नेपाल–भारत सम्बन्ध र पारस्परिक हित तथा आपसी सहयोगमा विस्तार गर्ने सम्बन्धमा छलफल हुने परराष्ट्र मन्त्रालयले जनाएको छ ।

साथै भारतका विदेश सचिवले नेपाल विशिष्ट व्यक्तिहरूसँग शिष्टाचार भेट गर्ने कार्यक्रम रहेको छ । विदेश सचिव मिश्रीले राष्ट्रपति, प्रधानमन्त्री, परराष्ट्रमन्त्री लगायतसंग पनि छलफल गर्ने मन्त्रालयले जनाएको छ ।

उहाँ हालै विदेशसचिवमा नियुक्त हुनुभएको हो । भारतका विदेशसचिवको यो भ्रमण नियमित हो । उहाँ हालै विदेशसचिवमा नियुक्त हुनुभएको हो ।

विदेश सचिव मिश्रीको यो भ्रमणलाई निकै महत्वपूर्णका साथ हेरिएको छ । उहाँ भोलि साउन २८ गते स्वेदेश फर्कने कार्यक्रम रहेको छ ।

Categorized in राष्ट्रिय