२० वर्ष आसपासमा विहे गर्न प्रधानमन्त्रीको सुझाव
SamacharDesk | २०८१ श्रावण २९, मंगलबार
प्रधानमन्त्री केपी शर्मा ओलीले युवाहरूलाई २० वर्ष आसपासको उमेरमा विवाह गर्न सुझाएका छन् ।
अन्तर्राष्ट्रिय युवा दिवसको कार्यक्रममा बोल्दै प्रधानमन्त्री जनसंख्याको वृद्धिदरमा असर पर्दै गएकोले युवाहरुले २० वर्षको आसपासमै विवाह बन्धनमा बाँधी सन्तान उत्पादन गर्न सुझाव दिनुभयो ।
प्रधानमन्त्री ओलीले सरकारले धेरैलाई रोजगारी दिन साना उद्यमशीलताका कार्यक्रमसहितको योजना ल्याउने सोचिरहेको पनि बताउनुभयो ।
देशमा रोजगारी र अवसर राम्रो नहुँदा युवाहरू विदेशिने क्रम चलेकामा चिन्ता व्यक्त गर्दै प्रधानमन्त्री ओलीले आगामी दिनमा नेपाल ज्येष्ठ नागरिकको मात्रै मुलुक बन्न सक्ने खतरा रहेकाले युवाहरूले त्यसतर्फ पनि सोच्नुपर्ने बताउनुभयो ।
त्यस्तै उहाँले एक वर्ष भित्र सडकमा बालबालिका रहने स्थितिको अन्त्य गर्ने बताउनुभएको छ । उहाँले बालबालिका सडकमा हुनु नहुने बताउनु भयो ।
उहाँले बालबालिकाहरु अभिभावकबिहीन भएर सडकमा अलपत्र पर्ने अवस्थाको अन्त्य गर्ने बताउनु भयो । उहाँले बालबालिकालाई सडकमा अलपत्र भएको हेर्न नसक्ने बताउनु भयो ।
उहाँले उनीहरुको रेखदेख, सन्तुलित आहार दिने, स्याहारसम्भार गर्ने, उन्नतिप्रगतिका लागि उचित शिक्षा, स्वास्थ्यको प्रवन्ध गर्ने र अन्य अवसर पनि उपलब्ध गराउने कर्तव्य राज्यको भएको बताउनु भयो ।
Categorized in राष्ट्रिय
