नेपालको ‘अन्नपूर्ण प्रथम’लाई विश्व प्रसिद्ध पर्यटकीय पर्वत ‘World Famous Tourism Mountain’ को मान्यता प्रदान गरिएको छ ।

चीनको ग्वानजाउ प्रान्तको शिङ्गई शहरमा आयोजित इन्टरटरनेशनल माउण्टेन टुरिजम एण्ड आउटडोर स्पोर्टस कन्फ्रेन्समा अन्नपूर्ण प्रथमलाई विश्व प्रशिद्ध पर्यटकीय पर्वतको रुपमा छनौट गरी मान्यता प्रदान गरिएको हो ।

३८ देशका १९९ भन्दा बढी संगठनहरूको अन्तर्राष्ट्रिय सञ्जाल (IMTA) ले अन्नपूर्ण प्रथमलाई उक्त प्रतिष्ठित मान्यता प्रदान गरेको हो ।

समारोहमा नेपाल एशोसियशन अफ टुर एण्ड ट्राभल एजेन्टस् (नाटा) का अध्यक्ष कुमारमणि थपलियाले संघकोतर्फबाट उक्त सम्मान ग्रहण गरेका थिए ।

८ हजार ९१ मिटर अग्लो यो पर्वत, यसको मनमोहक दृश्य र चुनौतीपूर्ण मार्गहरूको लागि प्रख्यात छ ।

IMTA ले उक्त सम्मेलनमा पर्वतीय पर्यटन विकासमा अन्तर्राष्ट्रिय सहयोगको महत्त्वलाई उजागर गरेको थियो ।

“Tourism And Peace” मूल नारासहित आयोजित सम्मेलनमा विश्वका ३८ देशबाट ४०० बढीको सहभागीता रहेको थियो ।

Categorized in राष्ट्रिय