काठमाडौंका नदी तथा खोला किनारमा लगाएको नयाँ मापदण्ड खारेजको माग गर्दै काठमाडौंमा प्रदर्शन भएको छ।

गैरन्यायिक सडक तथा खोला मापदण्ड पीडित संघर्ष समिति तथा भूमि अधिकार संरक्षण संघर्ष समितिको आयोजनामा कुपण्डोलदेखि माइतीघर मण्डलासम्म र्याली निकालि विरोध प्रर्दशन गरेको छ ।

सुमन सायमिलगायतको अगुवाइमा बागमती नदी किनारबाट र्याली सुरू गरेर माइतीघर मण्डल पुगेको हो। जनतालाई उठिवास गर्ने मापदण्ड आवश्यक नरहेको भन्दै मापदण्ड खारेजको माग गर्दै र्यालीसहित खबरदारी कार्यक्रम गरिएको उनीहरूले बताएका छन्।

विरोध प्रदर्शनमा ‘जनतालाई उठिबास गर्ने गैर न्यायिक सडक तथा खोला मापदण्ड खारेज गर’ लगायत नारा लेखिएका ब्यानर र प्लेकार्ड बोकेका छन् ।

सर्वोच्च अदालतले ३ पुस २०८० मा बागमती, विष्णुमती लगायत उपत्यकाका ठूला नदी तथा खोला किनारबाट दायाँबायाँ २०(२० मिटर छाडेर मात्रै संरचना बनाउन पाइने आदेश दिएको थियो।

त्यसअघि २०६५ सालमा मन्त्रिपरिषदले बागमती, विष्णुमती लगायत ठूला नदीहरुमा २० मिटर क्षेत्र छाड्नुपर्ने निर्णय गरेको थियो ।

पहिले २० मिटर छाड्नुपर्ने भनिएकोमा खोलामा थप २० मिटर छाड्न सर्वोच्चले दिएको आदेश कार्यान्वयनका लागि काठमाडौं महानगरपालिकाले सूचना जारी गरेको थियो । यो कार्यान्वयन गर्दा सयौंको उठिबास लाग्ने भन्दै विरोध जनाएका छन् ।

Categorized in राष्ट्रिय