दाङमा करेन्ट लागेर एक बालकको मृत्यु भएको छ ।

दाङको दंगीशरण गाउँपालिका–३ पदमपुर बस्ने १० वर्षीय निरज चौधरीको करेन्ट लागेर शनिबार मृत्यु भएको हो ।

सोही ठाउँस्थित बबई नदीमा जेनेटरबाट करेन्ट लगाई माछा मार्ने क्रममा चौधरीलाई करेन्ट लागेको थियो ।

करेन्ट लागेर गम्भीर घाइते भएका चौधरीलाई उपचारको लागि राप्ती प्रादेशिक अस्पताल तुलसीपुर लगिएको थियो । सोही अस्पतालमा उपचारको क्रममा उनको मृत्यु भएको हो । 

Categorized in समाज