स्वास्थ्य उपचार, स्वास्थ्य सम्बन्धी कठिनाइ सामना गरिरहेका चलचित्रकर्मीहरूलाई चलचित्र विकास बोर्डले आर्थिक राहत हस्तान्तरण गरेको छ ।

बोर्ड अन्तर्गत सञ्चालित चलचित्रकर्मी कल्याणकारी कोषबाट आर्थिक राहत हस्तान्तरण गरेको हो ।

नेपाली चलचित्र क्षेत्रमा आ–आफ्नो विधाबाट महत्वपूर्ण योगदान पु¥याएका चलचित्रकर्मीहरूको स्वास्थ्य उपचार र कठिन समयमा साथ दिने उद्देश्यले चलचित्रकर्मी र परिवारलाई सहयोग रकम प्रदान गरिएको बोर्डले जनाएको छ ।

रकम हस्तान्तरणको क्रममा विकास बोर्डका अध्यक्ष दिनेश डी.सी., चलचित्रकर्मी कल्याण कोषका संयोजक बसुन्धरा भुसाल, कोषका सदस्यहरू मोहन निरौला, नारायण प्रधान, जनकदीप पराजुली र पुष्कर लामाको उपस्थिति रहेको थियो ।

नेपाली चलचित्र क्षेत्रका स्रष्टा, कलाकार, प्राविधिक, पत्रकार तथा समग्र चलचित्रकर्मीहरूको सम्मान, सुरक्षा र कल्याणप्रति बोर्ड सदैव प्रतिबद्ध रहेको विकास बोर्डले जनाएको छ ।

सहयोग प्राप्त गर्ने चलचित्रकर्मीहरूः

रोमा बिष्ट — कलाकार,

क्षितिजा शाक्य — कलाकार,

फडेन्द्र बहादुर विश्वकर्मा — द्वन्द्व कलाकार,

पासाङ तेम्बा शेर्पा — कला  निर्देशक,

शान्तिप्रसाद उपाध्याय (शान्तिप्रिय) — चलचित्र पत्रकार,

प्रवीण थापा — निर्माता,

स्व. अशोक रोक्का — वरिष्ठ श्रृंगारकर्मी

Categorized in पेजथ्री