कोपा ईटालीयामा नापोलीले यस पटकको उपाधी जितेको छ ।

गए राति भएको फाइनलमा युभेन्टसलाई टाईब्रेकरमा हराउँदै नापोलीले उपाधी जितेको हो । 

स्टार खेलाडी क्रिश्चियानो रोनाल्डोको टिम युभेन्टसलाई नापोलीले ४–२ ले हराउँदै उपाधी जितेको हो ।

खेलको निर्धारीत ९० मिनेटको समयमा दुवै टिमबाट कुनै गोल नभएपछि खेल टाइब्रेकरमा गएको थियो ।

टाइब्रेकरमा २ को विरुद्ध ४ गोल गर्दै नापोलीले उपाधीमा कब्जा जमाएको हो ।

युभेन्टसका पउलो डेबाला र डानिलोको प्रहार गोलमा परिणत हुन नसकेपछि नापोलीले उपाधि हात पारेको हो ।

सेमिफाईनलमा युभेन्टसले एसी मिलान र नापोलीले ईन्टर मिलानलाई हराउदै फाईनलमा स्थान बनाएका थिए । 

ईटालीको राजधानी रोमस्थित ओलम्पिक स्टेडियमा विना दर्शक खेल खेलाइएको थियो ।

नापोलीले ६ वर्ष यता पहिलो मुख्य उपाधी जितेको हो ।

Categorized in स्पाेर्ट्स