सोसिडाडलाई हराउँदै म्याड्रिड शीर्ष स्थानमा
SamacharDesk – आकाश राजोपाध्याय | २०७७ आषाढ ८, सोमबार
स्पेनिश ला लिगामा रियाल म्याड्रिडले रियाल सोसिडाडलाई हराउँदै शीर्ष स्थानमा उक्लेको छ ।
आइतबार राति भएको रियाल डर्बीमा म्याड्रिडले सोसिडाडलाई २(१ गोलले हरायो ।
बिना दर्शक रियाल सोसिडाडको घरेलु मैदान रिले एरेना स्टेडियममा खेलाइएको खेलको पहिलो हाफ गोलरहित बराबरीमा सकिएको थियो ।
दोश्रो हाफमा ५०औं मिनेटमा पाएको पेनाल्टीलाई सदुपयोग गर्दै रियाल म्याड्रिडका कप्तान सर्जियो रामोसले टिमलाई अघि बढाए ।
त्यस्तै ७०औं मिनेटमा करिम बेन्जेमाले गोल गर्दै म्याड्रिडको अग्रता दोब्बर बनाए ।
सोसिडाडका मिकेल मेरिनोले ८३ औं मिनेटमा टिमका लागि सान्त्वना गोल गरे ।
यो खेलपछि रियाल म्याड्रिडको ३० खेलबाट ६५ अंक रहेको छ । बार्सिलोनाको पनि ३० खेलबाट ६५ अंक रहेको छ तर हेड टु हेडको कारण बार्सिलोना दोस्रो स्थानमा झरेको छ ।
Categorized in स्पाेर्ट्स
