सशस्त्र प्रहरी बलका पाँच जना एआइजीले संयुक्त रुपमा राजीनामा दिएका छन् ।

बिहिबार अपरान्ह सशस्त्र प्रहरी बलका पाँच जना एआइजीले सशस्त्र प्रहरी महानिरिक्षक शैलेन्द्र खनालमार्फत संयुक्त रुपमा राजीनामा दिएका हुन् । 

राजीनामा दिने एआइजीहरुमा जानकीराज भट्टराई, सुवोधकुमार अधिकारी, खडानन्द चौधरी, निराकार विक्रम शाह र राजेन्द्र श्रेष्ठ रहेका छन् । 

एआइजीहरुका राजीनामा महानिरिक्षक खनालले गृह मन्त्रालयमा निमित्त सचिव रामकृष्ण सुवेदीलाई बुझाएका छन् ।

बुधबार राती बसेको मन्त्रीपरिषद्को वैठकले भदौ १४ गते राती निर्वाचन आचार संहिता लागू भएपछिका सबै राजनीतिक नियुक्तिहरु खारेज गर्ने निर्णय गरेको थियो ।

उक्त निर्णय लगत्तै एआईजीहरुको राजीनामा आएको हो । सो निर्णयबाट राजीनामा दिने एआईजीहरुको पद पनि धरापमा परेको थियो ।

Categorized in राष्ट्रिय