कपिलवस्तुमा भएको एक सडक दुर्घटनामा एक जना पुरुषको मृत्यु भएको छ ।

कपिलवस्तुको कृष्णनगर नगरपालिका–११ झिङगास्थित सडकमा एउटा ई रिक्सा र मोटरसाइकल ठक्कर खाई भएको दुर्घटनामा मोटरसाइकल चालक विजयनगर गाउँपालिका–४ मुझनिया बस्ने ३५ वर्षीय राम कुमार चमारको मृत्यु भएको हो ।

शनिबार विहानै अनटेष्ट लेखिएको ई–रिक्सा र लु.४२ प ४३५० नम्बरको मोटरसाइकल एकआपसमा ठक्कर खाई दुर्घटना भएको थियो ।

दुर्घटनामा गम्भीर घाइते भएका मोटरसाइकल चालक चमारलाई उपचारको लागि चौराह अस्पताल बुटवल लगिएको थियो । सोही अस्पतालमा उपचारको क्रममा चमारको मृत्यु भएको हो ।

साथै दुर्घटनामा घाइते भएका मोटरसाइकलमा सवार दुई जनामध्ये एक जनाको सोही अस्पतालमै र अर्को एक जनाको  शिवराज अस्पताल बहादुरगंज कपिलवस्तुमा उपचार भइरहेको छ ।

ई–रिक्सा चालकको जिल्ला अस्पताल तौलिहवा कपिलवस्तुमा उपचार भइरहेको छ ।

Categorized in समाज