पाकिस्तान अन्तर्राष्ट्रिय एयरलाइन्स (पीआईए) को ए ३२० एयरबस आज दुर्घटना भएको छ ।

लाहौरबाट उडेको विमान कराची विमानस्थल नजिकै रहेको मोडल कोलोनीमा ठोक्किएर दुर्घटना भएको बताइएको छ ।

विमानमा ९० यात्रु र ८ जना चालक दलका सदस्य रहेको अन्तर्राष्ट्रिय समाचार संस्थाहरुले जनाएको छ । 

स्थानीय मिडियाका अनुशार विमान दुर्घटनामा परेको स्थानमा धेरै घरहरुमा पनि क्षति पुगेको र अहिले उद्धारको काम जारी रहेको छ । 

दुर्घटना क्षेत्रको साँघुरो बाटो र मानिसहरुको भिडको कारण उद्धारमा कठिनाइ भइरहेको बताइएको छ ।

उक्त विमानबाट यात्रा अवधिभर निरन्तर सूचना पाइरहेको र कुनै किसिमको समस्या नभएको पीआईएका प्रवक्ता अब्दुल्लाह हाफीजले बताए । 

ल्याण्ड हुनुभन्दा एक मिनेट पहिला मात्रै दुर्घटनामा परेको  प्रवक्रा हाफीजको भनाई हो । उनले दुर्घटना हुनुमा केही प्राविधिक त्रुटि हुन सक्ने बताएका छन् ।

कोरोनाभाइरसको महामारीका कारण बन्द रहेको हवाई सेवालाई सुचारु गरिएको केही दिनमा नै यो दुर्घटना भएको हो ।

Categorized in अन्तर्राष्ट्रिय