रवि र छविको म्याद थप सम्बन्धी बहस सुरु
SamacharDesk | २०८१ कार्तिक ८, बिहिबार
सहकारीको रकम हिनामिना प्रकरणमा पक्राउ परेका रास्वपा सभापति रवि लामिछाने र गोर्खा मिडिया प्रालिका पूर्वसञ्चालक छविलाल जोशीको म्याद थप सम्बन्धी बहस सुरु भएको छ ।
दुबै जनालाई कार्यालय खुलेसँगै अदालतमा उपस्थित गराइएको प्रहरी स्रोतले जनाएको छ । कास्की जिल्ला अदालतका ६ नम्बर न्यायाधीश चन्द्रकान्त पौडेलको इजलासमा रवि र छविको बहस सुरु भएको छ ।
यता रविको बहस भइरहँदा शहीद चोक, अदालत छिर्ने रत्नचोक नजिकैको वाइ चोकमा रास्वपा नेता कार्यकर्ताले प्रदर्शन गरिरहेका छन् ।
गत शुक्रबार काठमाडौंमा लामिछानेलाई पक्राउ गरी सोही दिन पोखरा लगेर आइतबार अदालतमा उपस्थित गराउँदा पक्राउ परेकै दिनदेखि लागु हुने गरी अनुसन्धानका लागि ६ दिनको म्याद दिइएको थियो ।
लामिछानेलाई पोखराको सूर्यदर्शन सहकारीको रकम गोर्खा मिडियामार्फत अपचलन गरेको अभियोगमा सहकारी ठगी तथा संगठित अपराधको मुद्दा लगाइएको छ ।
सोही मुद्दामा पहिलो पटक दिइएको म्याद सकिएपछि प्रहरीले आज फेरि अदालतमा उपस्थित गराइएको हो ।
गत असोज ६ गते नै पक्राउ परेर पोखरा पु¥याईएका गोर्खा मिडिया प्रालिका पूर्वसञ्चालक छविलाल जोशीलाई पनि आजै अदालतमा उपस्थित गराइएको हो ।
Categorized in राष्ट्रिय
