विभिन्न सहकारीको पैसा गोर्खा मिडियामार्फत अपचलन गरेको अभियोगमा नेपाल प्रहरीका पूर्व डीआईजी छविलाल जोशीलाई पक्राउ गरेको पछ ।

उनलाई आज हवाई जहाजमार्पmत कास्की अदालतमा आज उपस्थित गराईंदैछ । उनलाई आज नै जिल्ला अदालतमा उपस्थित गराइने कास्की प्रहरीले जनाएको छ ।

६५ करोडभन्दा धेरै सहकारीको रकम गोर्खा मिडियाबाट अपचलन गरिएको अभियोगमा पूर्व सञ्चालक जोशीलाई प्रहरीले हिजो दिउँसो काठमाडौंबाट पक्राउ गरेको थियो ।

गोर्खा मिडियामा पोखराको सुर्यदर्शनलगायत सहकारीबाट बचत रकम आएको संसदीय छानबिन समितिको प्रतिवेदनको निष्कर्ष छ।

गृहमन्त्री रमेश लेखकले आइतबार प्रहरी प्रधान कार्यालयलाई संसदीय छानबिन समितिको प्रतिवेदन कार्यान्वयन गर्न निर्देशन दिएका थिए।

उक्त निर्देशन दिएको केही समयमै जोशी पक्राउ परेका हुन्। सहकारीसम्बन्धी संसदीय छानबिन समितिले गोर्खा मिडियाका तत्कालीन प्रबन्ध निर्देशक रवि लामिछाने दिपेश पुनसहित ४ व्यक्ति र १४ संस्थालाई विपक्षी बनाएर गत साल माघ २२ गते जाहेरी दिएका थिए ।

सूर्यदर्शनको मुद्दा अदालतमा पुगिसकेकाले प्रहरीले त्यसलाई पुरक जाहेरीका रूपमा राखेको थियो । गोर्खा मिडियाविरूद्ध कास्कीमा जाहेरी परेकाले जोशीलाई पोखरा लगिएको हो ।

यता बाग्मती मिडिया नेटवर्कका सञ्चालक छबिलाल जोशीलाई प्रहरीले नियन्त्रणमा लिएपछि र रास्वपाका सभापति रबि लामिछानेलाईपनि कास्की अदालतले पक्राउ गर्न अनुमति दिएपछि आकस्मिक रुपमा सभापतिले बोलाएको बैठकमा भेला भएका नेता–कार्यकर्तालाई सजक र संयमित रहन सभापति लामिछानेले आग्रह गर्नुभएको छ ।

लामिछाने पक्राउ पर्ने संकेत पाएपछि हिजो राती सो पार्टीका कार्यकर्ता, समर्थक, सञ्चारकर्मी लगायत सर्वसाधारण रास्वपा कार्यालय पुगेका थिए ।

Categorized in राष्ट्रिय