रियाल म्याड्रिड स्पेनिस ला लिगाको उपाधिको निकै नजिक पुगेको छ । अब रियाल उपाधिबाट अन्तिम दुई खेलबाट मात्र दुई अंक टाढा रहेको छ ।

सोमबारको खेलमा रियालले ग्रानडालाई हराउँदै उपाधीसँगको दुरी छोट्याएको हो ।

सोमबार राति भएको खेलमा रियालले ग्रानडालाई २–१ गोलले पराजित गर्यो ।

ग्रानडाले आफ्नै घरेलु मैदान लस कारमेनेस्मा खेलमा रियालसँग हार व्यहोर्नुपरेको हो ।

रियालका लागि फरल्यान्ड मेन्डेले १० औं मिनेटमा पहिलो गोल गरे । १६ औं मिनेटमा करिम बेन्जिमाले अग्रता दोब्बर बनाए ।

दार्विन मचिसले ५० औं मिनेटमा गरेको गोल ग्रानडाका लागि सान्त्वना मात्र बन्यो ।

यदि शुक्रबार भिल्लारियल विरुद्ध जित हात पारे रियलले एक खेल अघि नै उपाधि जित्नेछ ।

शीर्ष स्थानको रियालले ३६ खेलमा ८३ अंक जोडेको छ । 

उपाधि होडमा रहेको दोस्रो स्थानको बार्सिलोनाले ३६ खेलमा ७९ अंक बटुलेको छ ।

Categorized in स्पाेर्ट्स