रातो मच्छिन्द्रनाथको रथयात्रा भोलिबाट
SamacharDesk – बिराज | २०८१ जेठ ४, शुक्रबार
रथ बिग्रिएपछि अवरुद्ध हुन पुगेको रातो मच्छिन्द्रनाथको रथयात्रा भोलि शनिबारबाट निरन्तर हुने भएको छ ।
रथको आवश्यक मर्मत सम्भार कार्य सम्पन्न भएसँगै रथयात्रा भोलिबाट हुने भएको हो ।
आज गुठी संस्थान शाखा कार्यालय ललितपुरले एक सूचना जारी गर्दै रातो मच्छिन्द्रनाथको रथयात्रा भोलि जेठ ५ गते शनिबारबाट निरन्तर हुने जनाएको हो ।
मच्छिन्द्रनाथको रथ अहिले थपाहितिमा राखिएको छ । हिजो रथयात्राको क्रममा ओकुबहालबाट थपाहिति पुग्दा रथको पाङ्ग्रासँगैको भाग भाँच्चिएपछि रथ तान्न सकिने स्थिती नभएर रथयात्रा त्यहिँ रोकिएको थियो ।
यसलगत्तै गुठी संस्थान ललितपुरले सूचना जारी गर्दै रथको मर्मत सम्भार सम्पन्न नभएसम्मको लागि रथयात्रा स्थगित भएको जनाएको थियो ।
आज क्रेन समेतकाे सहायताबाट रथको मर्मत सम्भार गरिएको थियो ।
याे पनि पढ्नुहाेलाः राताे मच्छिन्द्रनाथकाे अर्काे रथयात्रा अनिश्चित
