सिंगिंग स्टार प्रतियोगीताको क्वाटर फाइनलिस्ट घोषणा
SamacharDesk – बिराज | २०७८ जेठ २२, शनिबार
संसार अनलाइन सिंगिंग स्टार प्रतियोगीताको क्वाटर फाइनलिस्टको नाम सार्वजनिक भएको छ ।
संसार क्रिएशन नेपालले आयोजना प्रतियोगीतामा क्वाटर फाइनल पुग्न सफल २६ प्रतियोगीको नाम आज सार्वजनिक गरिएको हो । प्रतियोगीताको पाँचौं चरणमा आएर क्वाटर फाइनलिस्टहरु छनौट गरिएको हो ।
क्वाटर फाइनलिस्टको नाम घोषणासँगै आयोजकले २ हप्ताभित्र आफ्नो अर्को गीतको नयाँ भिडियो पठाउन आव्हान गरेको छ ।
क्वाटर फाइनल चरणको शुरुवात भएको एक महिनामा सेमि फाइनलिस्टको नाम घोषणा गरिने संसार क्रिएशनका अध्यक्ष स्वतन्त्र महर्जनले बताउनुभयो ।
‘सेमिफाइनलमा टप १० जनाको छनौट गरिनेछ र अन्तिम १० प्रतियोगीहरुको लाइभ पर्फमेन्सबाटै विजेताको छनौट हुनेछ’ महर्जनले जानकारी दिनुभयो ।
फाइनल प्रतियोगीताको मिति भने कोभिड संक्रमणको अवस्था हेरेर मात्र घोषणा गर्ने महर्जनको भनाई हो ।
फाइनल प्रतियोगीताका विजेताको साथमा फस्ट रनर अप र सेकेन्ड रनर अपलाई पुरस्कार स्वरुप ट्रफि, मेडल, गिफ्ट ह्याम्परको साथमा नयाँ गीत रेकर्डसँगै म्यूजिक भिडियो निर्माणसमेत गरिदिने भएको छ ।
‘यसको साथै माेफसलका रमणीय स्थानहरुमा रिफ्रेसमेन्ट ट्रिटकाे रुपमा घुमाउनसमेत लगिनेछ । सबै गरी एक प्रतियोगीलाई लगभग ५ लाख रुपैयाँ बराबरको पुरस्कार प्रदान गरिनेछ’ महर्जनले बताए ।
युट्युबमा सबैभन्दा बढि भ्यूज र सबैभन्दा शेयर पाउने प्रतियोगीलाई पनि ट्रफिसहित पुरस्कृत गरिने बताइएको छ ।
