गत बुधबार भएको सौर्य एयरलाइन्सको विमान दुर्घटनामा परी मृत्यु भएका ११ जनाको शव परिवारले बुझेका छन् ।

दुर्घटनामा परी १८ जनाको मृत्यु भएकोमा मध्ये त्रिवि शिक्षण अस्पतालमा पोस्टमार्टमपछि ११ जनाको शव आफन्तले बुझेका हुन् ।

दुर्घटनामा परी मृत्यु भएका विदेशी नागरिकको शव भने प्रक्रिया पूरा गर्नुपर्ने भएकोले केही दिन लाग्ने स्रोतको भनाइ छ । केही शव आफन्त विदेशबाट आउनु पर्ने भएकोले बुझाउन ढिला भएको अस्पताल प्रशासनले जनाएको छ ।

दुर्घटनामा मृत्यु भएका एकै परिवारका तीन जनाको शव पनि परिवारले बुझेको अस्पताल स्रोतले जनाएको छ ।

बुधबार पोखराका लागि उडेको सौर्य एयरलाइन्सको विमान त्रिभुवन विमानस्थलमै दुर्घटना भएको थियो ।

Categorized in राष्ट्रिय