स्पेनीस ला लिगा जुन दोस्रो सातादेखि सुचारू गरिने
SamacharDesk – आकाश राजोपाध्याय | २०७७ जेठ ९, शुक्रबार
कोरोनाभाइरस (कोभिड १९) महामारीका कारण स्थगित भएको स्पेनीस ला लिगा जुनको दोस्रो सातादेखि सुचारू हुने भएको छ ।
लिगका खेलहरु आउँदो जुन १२ देखि हुने भनिएको छ । महामारीका कारण स्थगित भएको खेल सेभिया र रियल बेटिसबीचको खेलबाट सुरु हुनेछ । रामोन सान्चेज पिजुअनमा उक्त खेल हुनेछ ।
लिग सुचारु गर्ने तयारी थालिएको भएपनि यसका लागि स्पेनीस सरकाले अनुमति दिनुपर्नेछ ।
ला लिगाको बाँकी ११ चरणको पूरा खेल तालिका यही २८ मे मा २० क्लबलाई पठाइने छ ।
जुन दोस्रो साता ला लिगा मैदान फर्काउनको लागि स्पेनमा बार्सिलोना रियल मड्रिड लगायत क्लबहरुले हेल्थ प्रोटोकोल फलो गर्दै सानो समूहमा खेलाडीहरुले दुई साताअघि देखि अभ्यास थालेका थिए ।
उक्त अभ्यास अघि गरिएको कोरोनाको परिक्षणमा भने पाँच खेलाडीमा संक्रमण भेटिएको थियो ।
ला लिगाका खेलहरू कोरोना भाइरसका कारण मार्चको मध्यबाट अनिश्चितकालका लागि स्थगित भएको थियो ।
ला लिगाले कडा मेडिकल प्रोटोकल पालना गरेर लिग खेलाउने तयारी गरेको छ । स्टाफ र खेलाडीहरूले ती नियम पालना गर्नु पर्नछ ।
खेल खाली रंगशालामा खेलाइने छ ।
Categorized in स्पाेर्ट्स
