इटालीमा आँधी र भीषण वर्षाका कारण चारको मृत्यु
SamacharDesk | २०८० श्रावण १०, बुधबार
इटालीमा आएको आँधी र भीषण वर्षाका कारण चार जनाको मृत्यु भएको छ ।
आँधीले ठूल्ठूला रुख ढाल्दा सडकमा हिंडिरहेकाहरुको च्यापिएर चार जनाको मृत्यु भएको हो ।
इटालीको उत्तरी भागका अधिकांश घरहरुमा आँधीले क्षति पुर्याउनुका साथै सयौं सवारीसाधनमा पनि क्षति पुर्याएको अन्तर्राष्ट्रिय सञ्चार माध्यमले जनाएको छ ।
पर्लेमा शहर नजिकै रहेको जंगलमा भीषण डढेलो लागिरहेको बेला आएको आँधीले डढेलो विस्तार गर्दा डढेलोबाट पनि घरहरुमा क्षति पुगेको छ ।
आँधीपछि असिनासहितको भारी बर्षा हुँदा मानिसहरु घरभित्रै थुनिन्दा जनजीवन प्रभावित भएको छ ।
आँधीको प्रभाव यातायात र हवाई सेवामा समेत परेको समाचारमा उल्लेख छ ।
Categorized in अन्तर्राष्ट्रिय
