मर्स्याङ्दी बस दुर्घटनामा मृत्यु हुनेको संख्या २७ पुग्यो
SamacharDesk | २०८१ भाद्र ७, शुक्रबार
मर्स्याङ्दी नदीमा शुक्रबार विहान भएको बस दुर्घटनामा मृत्यु हुनेको संख्या २७ पुगेको छ।
प्रहरीका अनुसार दुर्घटनामा २७ जनाको मृत्यु भएको छ भने १६ जना घाइते भएका छन्।
प्रहरीका अनुसार बसमा ४१ यात्रु, चालक र सहचालक दुई गरेर ४३ सवार थिए। दुर्घटनाका गम्भीर घाइते १६ जनालाई उपचारका लागि काठमाडौं महाराजगञ्जस्थित त्रिवि शिक्षण अस्पतालमा उपचार भइरहेको छ।
शुक्रबार पोखराबाट काठमाडौं आउँदै गरेको भारतीय नम्बर प्लेटको उक्त बस तनहुँको आबुखैरेनी गाउँपालिका वडा नम्बर–२ बाट मर्स्याङ्दी नदीमा खसेको थियो।
सनाखत भएका शव नेपालस्थित भारतीय दूतावासले बुझिसकेको प्रहरीले जनाएको छ। बस बाटोबाट करिब डेढ सय मिटर तल नदीमा खसेको थियो ।
उद्धारमा नेपाल प्रहरी, सशस्त्र प्रहरी र नेपाली सेनाका १६० भन्दा बढी खटिएका थिए।
Categorized in राष्ट्रिय
