इंग्ल्यान्डले वेस्ट इन्डिजविरुद्ध आउँदो जुलाईमा २१ दिनको अवधिमा तीन टेस्ट खेल्ने भएको छ । 

खेलका लागि वेस्ट इन्डिज क्रिकेट टिम यहि जुन ९ मा इङ्गल्यान्ड पुग्नेछ । 

इङ्गल्यान्ड पुगेर संक्रमणको जोखिमलाई ध्यानमा राखेर वेस्ट इन्डिज क्रिकेट टिमले म्यानचेस्टरमा तीन साता क्वारेन्टाइनमा बस्नेछन् । 

वेस्ट इन्डिज क्रिकेट टीमका लागि क्वारेन्टाइनमा बस्न खेल हुने हुने मैदान नजिकैको होटलमा व्यवस्था गरिने भएको छ ।

तीन साताको क्वारेन्टाइन बसाईँपछि मात्रै वेस्ट इन्डिजका खेलाडिले अभ्यास थाल्ने बताइएको छ ।

त्यसपछि पहिलो टेस्ट जुलाई ८ देखि १२ सम्म साउथह्याम्पटनमा हुनेछ । यस्तै दोस्रो टेस्ट जुलाई १६ देखि २० सम्म र तेस्रो टेस्ट जुलाई २४ देखि २८ सम्म म्यानचेस्टरमा हुनेछ ।

यसअघि इंग्ल्यान्ड र वेस्ट इन्डिजबीच ४ देखि २९ जुलाईमा खेल्ने भनिएको टेस्ट क्रिकेट म्याच कोरोना महामारीका कारण स्थगित भएको थियो । 

अब सोही खेल जुलाईबाट शुरु गर्ने गरि नयाँ खेल तालिका सार्वजनिक गरिएको हो ।

इंग्ल्यान्डले पाकिस्तान, अस्ट्रेलिया र आयरल्यान्डविरुद्ध खेल्ने सिरिज पनि महामारीकै कारण प्रभावित बनेको छ । 

तीन वटै देशविरुद्धका खेलहरूको मिति चाँडै नै सार्वजनिक गरिने बताइएको छ ।

Categorized in स्पाेर्ट्स