ऐतिहासिक चलचित्र ‘नालापानी’ को ट्रेलर सार्वजनिक भएको छ ।

रिमेश अधिकारी फिल्म प्रोडक्सन, वीर गोरखाली फिल्म, गङ्गा नारायण फिल्म र बिजीबी इन्टरटेन्टमेन्टको ब्यानरमा निर्माण भएको चलचित्रको ट्रेलर श्रावण ७ गते सोमबारका दिन बुढासुब्बा डिजिटल युट्युब च्यानलमार्फन सार्वजनिक भएको हो ।

२ः१४ मिनेट अवधिको उक्त ट्रेलरमार्फत नै चलचित्रको रिलिजकाे नयाँ डेट पनि घोषणा गरिएको छ । चलचित्र साउन २५ गतेदेखि देशभर एकै साथ प्रदर्शन हुने भएको छ ।

यस अघि साउन १८ देखि चलचित्र प्रदर्शन गर्ने भनिएतापनि रिलिज डेट एक साता पर सारेर अब साउन २५ गतेदेखि सिनेमाघरमा आउने चलचित्रका लेखक, निर्माता तथा निर्देशक रिमेश अधिकारीले जानकारी दिए ।

चलचित्रको कार्यकारी निर्माता घनेन्द्र थपलिया हुन् भने एसोसिएट निर्मातामा सपन थापा र निर्माता मनोज शाक्य छन् ।

चलचित्रमा अर्जुन जङ्ग शाही, सन्तोष पन्त, देशभक्त खनाल, दयाराम दाहाल, पुजना प्रधान, मनोज शाक्य, विशाल पहारी, सुवास गजुरेल लगायतका कलाकारले अभिनय गरेका छन् ।

साथै अच्युत गजुरेल, हिक्मत थपलिया, जनक बर्तौला, सरिता राजोपाध्याय, गीत विष्ट, साहिना भट्टराई, गीता अधिकारी, सुवर्ण थापालगायतका कलाकारले पनि चलचित्रमा अभिनय गरेका छन् ।

रामशरण उप्रेतीको छायांकन, रोशन श्रेष्ठको द्वन्द्व, कविराज गहतराजको नृत्य निर्देशन रहेको चलचित्रमा भिएफएक्स अच्युत गजुरेल र सम्पादन विपिन मल्लको छ ।

लेखन रिमेश अधिकारी÷कृष्ण आचार्य र निर्माता/निर्देशन् रिमेश अधिकारीले गरेका छन् ।

‘नालापानी फिल्मले नेपाली वीरहरुको बहादुरीको कथा बोल्ने छ र पुर्खाको योगदान र बलिदान बुझाउनेछ । लामो समय र ठूलो लगानी खर्चिएको यो फिल्मको एउटै उद्देश्य इतिहास दस्तावेजीकरण गर्दै भावी पुस्तामा हस्तान्तरणा गर्ने हो’ निर्देशक अधिकारीको भनाई हो ।

Categorized in पेजथ्री