आज बिश्व पोलियो दिवस । यस वर्ष दिवसको नारा ‘पोलियो अन्त्य गरौँ’ भन्ने रहेको छ ।

हरेक बर्ष अक्टोवर २४ का दिन मनाइने विश्व पोलियो दिवस नेपालमा पनि बिभिन्न कार्यक्रमको आयोजना गरी मनाइंदैछ । पोलियो रोग पोलियो भाइरसबाट हुने सङ्क्रामक रोग हो ।

पोलियो लागेपछि ज्वरो आउने, पखाला लाग्ने, जीउ दुख्ने, थकाइ महसुस गर्ने र रोग गम्भीर हुन थाल्यो भने पक्षघात हुने तथा मृत्युसम्म हुने गर्दछ । पोलियो रोग दूषित खाना र पानीको माध्यमबाट एक व्यक्तिबाट अर्को व्यक्तिमा सर्ने गर्दछ ।

नेपालमा पाँच वर्ष मुनिका बालबालिकालाई मुखबाट र सुइबाट दुई तरिकाले पोलियोविरुद्धको खोप प्रदान गरिँदै आइएको छ ।

मुखबाट खुवाइने खोप (ओरल पोलियो भ्याक्सिन)तीन पटक जन्मेको छ हप्ता, १० हप्ता र १४ हप्ताको उमेरमा तथा सुईबाट दिइने खोप (इनएक्टिभेटेड पोलियो भ्याक्सिन) दुई पटक १४ हप्ता र ९ महिनाको उमेरमा दिने गरिन्छ ।

नेपालमा बालबालिकालाई ११ प्रकारको रोग विरुद्ध पोलियो थोपा खुवाईदै आइरहेको छ । जस अन्तर्गत ४० देखि ४२ लाख ५ वर्ष मुनिका र साढे ६ लाख १ वर्ष मुनिका बालबालिका रहेको महाशाखाले जनाएको छ ।

अहिले एक वर्ष मुनिका बालिबालिकालाई नियमित र १ देखि ५ वर्षसम्मका बालबालिकालाई राष्ट्रिय पोलियो खोप कार्यक्रम मार्फत पोलियो थोपा खुवाइँदै आइरहेको छ ।

विश्व स्वास्थ्य संगठन डब्ल्युएचओका अनुसार नेपालमा सन् २०१० मा नै पोलियो रोगी नभएको भन्दै नेपाल पोलियो फ्री भएको देश घोषणा गरेको थियो ।

Categorized in राष्ट्रिय