विश्वकप छनोटमा: जर्मनीको २० वर्षपछि पहिलो हार
SamacharDesk – आकाश राजोपाध्याय | २०७७ चैत्र १९, बिहिबार
विश्वकप फुटबल २०२२ छनौट अन्तर्गत युरोपेली समुहका खेलहरुमा जर्मनीले हार बेहोरेको छ ।
समूह ‘जे’ को खेलमा जर्मनीलाई नर्थ म्यासेडोनियाले २–१ गोलले पराजित गरेको हो ।
गयराति घरेलु टिम जर्मनी माथि नर्थ म्यासेडोनियाले पहिलो हाफको इन्जुरी टाइमको दोस्रो मिनेटमा अग्रता लियो । नर्थ म्यासेडोनियाका लागि पान्डेवले गोल गरेका थिए ।
जर्मनीको लागि गुन्डोआनले ६३ औं मिनेटमा पेनाल्टी मार्फत गोल गर्दै खेल बराबरीमा ल्याए ।
तर ८५ औं मिनेटमा एल्मासले गोल गरेपछि खेल नर्थ म्यासेडोनियाको पोल्टामा गएको हो ।
जर्मनीले विश्वकप छनौटमा सन् २००१ पछिको यो पहिलो हार हो । यसअघि २००१मा जर्मनीलाई इंग्ल्यान्डले ५–१ ले हराएको थियो ।
त्यसयता जर्मनी विश्वकप छनोटमा ३५ खेलसम्म अपराजित थियो ।
यो हारसँगै समूह ‘जे’ मा ३ खेलबाट ६ अंक जाघेकोे जर्मनी तेस्रो स्थानमा छ । समान खेलमा ९ अंक जोडेको अर्मेनिया शीर्ष स्थानमा छ भने ६ अंकसहित नर्थ म्यासेडोनिया दोस्रो स्थानमा छ ।
Categorized in स्पाेर्ट्स
