सप्तरीमा मोटरसाइकल दुर्घटना हुँदा एक ३७ वर्षीय पुरुषको मृत्यु भएको छ ।

मंगलबार साँझ भएको दुर्घटनामा मोटरसाइकलमा सवार महादेवा गाउँपालिका–४ बस्ने ३५ वर्षीय सर्वण कुमार यादवको मृत्यु भएको हो ।

कृष्णसावरण गाउँपालिका–४ बनौलीस्थित सडकमा प्र.२–०१–००१ प ४९१५ नम्बरको मोटरसाइकल आफै अनियन्त्रित भई दुर्घटना भएको थियो ।

दुर्घटनामा गम्भीर घाइते भएका यादवलाई उपचारको लागि गजेन्द्र नारायण सिंह अस्पताल राजबिराजमा लगिएको थियो भने सोही अस्पतालमा उपचारको क्रममा उनको मृत्यु भएको हो ।

साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ । 

Categorized in समाज