काठमाडौंवासीले मेचलम्चीको पानी चैत्र मसान्तभित्रै खान पाउने भएको छ ।

मेलम्ची खानेपानी आयोजनाले मेलम्चीको पानी चैत्र मसान्तभित्रै अस्थायी रुपमा काठमाडौं ल्याउने जनाएको छ । असार र साउनमा आएको बाढीले आयोजनाको मुख्य सुरुङ, सहायक सुरुङ टालिएको थियो भने हेडवक्र्स पुरिएको थियो ।

त्यसपछि गत माघ दोस्रो साताबाट आयोजनाले नदि सफाईको काम अघि बढाएको थियो । बाढीले बगाएर ल्याएको स्थानमा ठूला चट्टान फुटाउनका लागि नेपाली सेनाले काम गरिरहेको छ भने आयोजनाले सरसफाईको काम अघि बढाएको छ ।

बाढीका कारण पानी पथान्तरणको मुख्य सुरुङ पुरिएको थियो । अन्य सहायक सुरुङको मुख समेत थुनिएकोले आयोजनाले सरसफाई गरिसकेको र पानी पठाई निरीक्षण गर्न बाँकी रहेको जानकारी दिएको छ ।

सुरुङको सरसफाई र निरिक्षण समयमै सकिए चैत्र मसान्तसम्ममा काठमाडौंमा अस्थायी रुपमा पानी ल्याउन सकिने आयोजनाका प्रवक्ता राजेन्द्र पन्तले जानकारी दिनुभयो । 

Categorized in राष्ट्रिय