साउदी अरेबियाले सन् २०३४ को विश्वकप फुटबल आयोजना गर्ने तयारी गरेको छ ।

अष्ट्रेलियाले आफ्नो नाम फिर्ता लिएपछि साउदी अरेबिया, फिफा विश्वकप २०३४ आयोजनाको लागि नाम पठाउने एक्लो एसियाली देश बनेको हो ।

मंगलबार आयोजना दाबीको घोषणा गर्ने अन्तिम मितिभन्दा केही घण्टाअघि मात्र फुटबल अष्ट्रेलियाले आफ्नो निर्णय सार्वजनिक गरेको हो ।

फुटबल अस्ट्रेलियाको एक विज्ञप्ति जारी गर्दै ‘हामी २०३४ प्रतियोगिताको लागि दाबी नगर्ने निष्कर्षमा पुगेका छौं,’ भनिएको छ ।

फुटबल अष्ट्रेलियाले सन् २०२६ मा एएफसी महिला एसियन कप र २०२९ मा क्लब विश्वकप आयोजना गर्न आफ्नो प्रयास केन्द्रित गर्न चाहेको बताएको छ ।

सन् २०२६ को विश्वकप अमेरिका, मेक्सिको र क्यानडामा हुँदैछ । २०३० को विश्वकपका खेल मोरक्को, पोर्चुगल, स्पेन, अर्जेन्टिना, पाराग्वे र उरुग्वेमा गरी ६ देशमा हुनेछन् ।

फिफाले २०३४ को विश्वकप एसिया वा ओशिनियामा हुने बताएको थियो ।

अष्ट्रेलियाको दाबीलाई साउदी अरेबियाको एक मात्र सम्भावित चुनौतीको रुपमा मानिएको थियो ।

مــعـــًا سنــحــقــق حـلــمــنــا #السعودية2034 | #Saudi2034 pic.twitter.com/hdAVGSvrwF

— السعودية 2034  (@Saudi2034WC) October 31, 2023

Categorized in स्पाेर्ट्स