एकदिवसीय विश्वकपमा अष्ट्रेलियाको पहिलो जित
SamacharDesk – आकाश राजोपाध्याय | २०८० आश्विन २९, सोमबार
आइसिसी एकदिवसीय क्रिकेट विश्वकपमा अष्ट्रेलियाले आफ्नो पहिलो जित दर्ता गरेको छ । सोमबार भएको खेलमा अष्ट्रेलियाले श्रीलंकामाथि ५ विकेटको जित हात पारेको हो ।
श्रीलंकाले दिएको २१० रनको लक्ष्य अस्ट्रेलियाले ३५.२ ओभरमा ५ विकेटको गुमाउँदै पूरा गर्यो ।
अष्ट्रेलियाका लागि जोस इंग्लिसले सर्वाधिक ५८ रन र मिचेल मार्सले ५२ रन र योगदान दिए ।
मार्नस लाबुस्कागनेले ४० रन जोड्डा मर्कस स्टोइनिसले नटआउट २० रन र ग्लेन म्याक्सवेलले नटआउट ३१ रन जोडे । डेविड वार्नर र स्टीभ स्मीट सस्तैमा समेतिए ।
श्रीलंकाका दिलसान मधुसंकाले ३ विकेट लिँदा डुनिथ वेललेजले एक विकेट लिए ।
यसअघि टस जितेर पहिले ब्याटिङ गरेको श्रीलंका ४३.३ ओभरमा २ सय ९ रनमा अलआउट भयो ।
श्रीलंका लागि ओपनरद्वय पाथुन निसंकाले ६१ रन र कुशल परेराले ७८ रन जोडे । दुईबीच पहिलो विकेटका लागि २१.४ ओभरमा १२५ रनको साझेदारी भयो ।
चरिथ असलंकाले ३९ जोड्डा श्रीलंकाका अरु ब्याटसम्यानहरु भने सस्तैमा आउट भयो ।
बलिङमा अष्ट्रेलियाका एडम जाम्पाले ४ विकेट लिन सफल भए । कप्तान प्याट कम्मिन र मिचेल स्टार्कले समान २ २ विकेट लिँदा ग्लेन म्याक्सवेलले १ विकेट हात पारे ।
यो जितसँगै अष्ट्रेलियाले तालिकामा २ अंक जोड्डै आठौँ स्थानमा उक्लिएको छ । यस्तै श्रीलंका भने लगातार तेस्रो खेलमा पराजित हुँदै अंक विहिन छ ।
Categorized in स्पाेर्ट्स
