पछिल्ला दिनहरुमा नेपालमा कोरोना संक्रमणको दरमा दिनहुँ कमी आउँदै गरेको छ ।

संक्रमणको दोश्रो लहर शुरु भएसँगै संक्रमण दर बढ्दै गएर ५० प्रतिशतको हाराहारीसम्म पुगिसेकेको थियो भने हाल यो दर घटेर १० प्रतिशतको हाराहारीमा छ ।

पछिल्लो २४ घण्टामा भेटिएका नयाँ संक्रमितको दर १० प्रतिशत रहेको छ । पछिल्लो परिक्षणको १० दशमलव १० प्रतिशतमा संक्रमण पुष्टि भएको हो ।

जम्मा ९ हजार ८४० नमूनाको परिक्षण गरिएकोमा ९९४ जनामा संक्रमण देखिएको हो । ६ हजार १३७ आरटी पिसिआर परिक्षणमा ७७७ र ३ हजार ७०३ एन्टिजेन परिक्षणमा २१७ जना संक्रमित भेटिएका हुन् ।

नयाँ संक्रमितमध्ये १० वर्षसम्मका बालबालिकाहरुको संख्या १३ जना मात्र रहेको छ भने ११ देखि २० वर्ष उमेर समूहका ६५ जना छन् ।

हाल उपचाररत सक्रिय संक्रमितको संख्या २७ हजार ३५५ रहेको छ । तीमध्ये २५ हजार ७०८ जना संक्रमित होम आइसोलेसनमा छन् भने एक हजार ६४७ संक्रमित विभिन्न संस्थागत आइसोलेसनमा छन् ।

आइसीयूमा उपचाररत ४५६ जनामध्ये १२२ जनालाई भेन्टिलेटरमा राखेर उपचार गरिँदैछ । 

हाल १३ वटा जिल्लामा ५ सय बढि सक्रिय संक्रमित छन् भने २ सय बढि सक्रिय संक्रमित रहेको जिल्लाको संख्या २१ रहेको छ ।

हालसम्म ८ लाख ६२ हजार ९४६ जना कोरोना भाईरसबाट संक्रमित भइसके । आरटी पिसिआर परिक्षणमा ७ लाख ७६ हजार ३२५ जनामा संक्रमण पुष्टि भएको छ भने एन्टिजेन परिक्षणबाट ८६ हजार ६२१ जना संक्रमित भेटिएका छन् । 

Categorized in राष्ट्रिय