नेकपा एमालेका वरिष्ठ नेता माधवकुमार नेपालले पार्टी अध्यक्ष ओलीसँग कुनै सहमति नभएको स्पष्ट पारेका छन् ।

ट्वीटरमा ट्वीट गर्दै नेपालले वार्ता र लचकता दुवै अपनाउने तर हालसम्म कुनै सहमति नभएको बताएका हुन् ।

‘हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण गरेको पार्टी हो’ नेता नेपालले लेखेका छन्, ‘यसका लागि वार्ता र लचकता दुवै अपनाउँछौं, तर अहिलेसम्म कुनै सहमति भएको छैन ।’

साथै २०७७ फागुन २८ गते र त्यसपछि बसेका बैठकहरु र त्यसले गरेका निर्णयहरु पनि फिर्ता लिनुपर्ने बताउँदै नेपालले २०७५ जेठ २ गतेको कमिटी, विधान र नेतृत्व नै आफुहरुको बटमलाइन भएको पनि बताएका छन् ।

कुनै पनि किसिमको भ्रममा नपर्न, नअल्मलिन नेपालले आग्रह गरेका छन् । 

२०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनु पर्छ र २०७५ जेष्ठ २ गतेको कमिटी, विधान र नेतृत्व नै हाम्रो बटम लाइन हो । यस सम्बन्धमा कुनै किसिमको भ्रममा नपर्न , नअल्मलिन र सुदृढ र सशक्त पार्टी बनाउने महान अभियानमा लागिरहन आह्वान गर्दछौं।

२०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनु पर्छ र २०७५ जेष्ठ २ गतेको कमिटी, विधान र नेतृत्व नै हाम्रो बटम लाइन हो । यस सम्बन्धमा कुनै किसिमको भ्रममा नपर्न , नअल्मलिन र सुदृढ र सशक्त पार्टी बनाउने महान अभियानमा लागिरहन आह्वान गर्दछौं।

— Madhav Kumar Nepal (@ncp_madhavnepal) May 7, 2021

Categorized in राजनीति