थप ८ जनाको मृत्यु, मृतक संख्या १७५
SamacharDesk – बिराज | २०७७ भाद्र ८, सोमबार
नेपालमा कोरोना संक्रमणका कारण मृत्यु हुने क्रम आज पनि रोकिएन ।
आज फेरी थप ८ जनाको कोरोना संक्रमणका कारण मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो पटक ५ पुरुष र ३ महिला गरी ८ जनाको मृत्यु भएको छ ।
मृत्यु हुनेमा सुनसरीका ६८ वर्षिय पुरुष, मोरङ्गका ६५ वर्षिय पुरुष त्यसै गरी रुपन्देहिबाट ६७ वर्षिया महिला तथा ३८, ५३ तथा ५४ वर्षिय पुरुषको मृत्यु भएको छ ।
पर्साकी ७० वर्षीया तथा काठमाडौंकी ४८ वर्षिया महिलाको पनि मृत्यु भएको छ ।
योसँगै नेपालमा कोरोना संक्रमणका कारण मृत्यु हुनेको संख्या एक सय ७५ पुगेको छ ।
Categorized in समाज
