गाजास्थित अन्तर्राष्ट्रीय संचार क्षेत्रमा प्रतिष्ठित अलजजिराको कार्यालय रहेको भवन इजरायली हवाई आक्रमणमा ध्वस्त भएको छ ।

इजरायली सेनाले हमास समूहलाई लक्षित गरेर गरिएको भनेको आक्रमणमा संचार गृह रहेको घरहरुमा समेत आक्रमण भएको छ ।

इजरायलले आज अलजजजिरा रहेको भवनमा आक्रमण गर्न एक घण्टा अघि नै सूचना दिँदै त्यहाँ भएकालाई बाहिरिन चेतावनी दिएको थियो ।

उक्त भवनमा धेरैजनाको आवासका साथै एसोसिएटेड प्रेस (एपी) को कार्यालयसमेत रहेको थियो ।

केहि दिनदेखि इजरायलले हमास समूहलाई लक्षित गर्दै गाजामा ‘हवाई आक्रमण’ गर्दै आइरहेको छ ।

आक्रमणमा गाजाका धेरै भवनहरु भत्किएका छन् । आक्रमणकै कारण १४० भन्दा बढीको मृत्यु हुनुका साथै सयौं घाइते भएको अन्तर्राष्ट्रिय संचारमाध्यमहरुले जनाएका छन् ।

Oh my god. The building where al Jazeera’s office is housed has just been taken down by Israeli airstrikes. There was a warning and evacuated. It houses offices and private homes. I can’t believe it. pic.twitter.com/Q4luRYk9H9

— Stefanie Dekker (@StefanieDekker) May 15, 2021

Categorized in अन्तर्राष्ट्रिय