अष्ट्रियाले युरोकपमा  एतिहासिक जित निकालेको छ ।

आइतबार राति रोमानियाको बुचारिस्टमा नर्थ म्यासेडोनियालाई ३–१ गोलले पराजित गर्दै अष्ट्रियाले एतिहासिक जित निकालेको हो ।

उक्त खेलको १८ औं मिनेटमा स्टेफान लेनरले गोल गर्दै अष्ट्रियालाई सुरुवाती अग्रता दिलाएका थिए । उनले मार्सेलको पासमा गोल गरेका थिए ।

२८ औं मिनेटमा गोरान पाण्डेभले म्यासेडोनियाको लागि गोल गर्दै खेल १–१ गोलको बराबरीमा फर्काए । यो म्यासेडोनियाको युरोकपमा गरेको पहिलो गोल हो । यससँगै गोरान युरोकपमा गोल गर्ने दोस्रो सर्वाधिक बढी उमेरका खेलाडी बनेका छन् । उनले ३७ वर्ष २२१ दिनमा गोल गरेका हुन् ।

खेलको ७८ औं मिनेटमा माइकल ग्रेगोरिट्सले र ९० औं मिनेटमा मार्को आर्नोटोभिकले गोल गर्दै अष्ट्रियालाई ३–१ को जित दिलाए ।

युरोपियन च्याम्पियनसिपमा अष्ट्रियाको यो ऐतिहासिक पहिलो जित हो । यस अघि अष्ट्रियाले जित निकाल्न सकेको थिएन ।

यो जितसँगै समूह ‘सी’ को अष्ट्रियाले ३ अंक जोडेको छ ।

 

 

Categorized in स्पाेर्ट्स