कोपा अमेरिका मा साविक विजेता ब्राजिलले लगातार तेस्रो जित हात पारेको छ।

बिहीबार विहान सम्पन्न खेलमा अन्तिम समयमा गोल गर्दै कोलम्बियामाथि २–१ को जित हात पारेको हो ।

खेलमा एल डियासले १० औं मिनेटमा गोल गर्दै कोलम्बियालाई अग्रता दिलाएको थियो ।

ब्राजिलका लागि ७८ औं मिनेटमा फिर्मिनोले गोल गर्दै खेल १–१को  बराबरीमा ल्याए । यस्तै दास्रो हाफको इन्जुरी टाइमको १० औं मिनेटमा कासेमिरोले गोल गरेपछि ब्राजिल २–१ले विजय भयो ।

समूह ‘बी’ को शीर्ष स्थानमा रहेको ब्राजिलले तीन खेलबाट ९ अंक  जोड्दै प्रतियोगिताको क्वार्टरफाइनलमा पुगिसकेको छ। दोस्रो स्थानको कोलम्बियाले चार खेलबाट ४ अंक बटुलेको छ ।

यो खेलअघि भएको यहि समूहको अर्को खेलमा इक्वेइडर र पेरुले २–२ गोलको बराबरी खेलेका थिए।

पेरु ४ अंकसहित तेस्रो स्थानमा छ भने चौथो स्थानको इक्वेइडरको २ अंक भएको छ ।

२ अंक नै जोडेको भेनेजुएला पुछारमा छ।

#CopaAmérica

Cabeçada da virada! Casemiro recebeu de Neymar e marcou 2-1 para @cbf_futebol

¡Cabezazo de victoria! Casemiro conectó el centro de Neymar y anotó el 2-1 final de Brasil

Brasil Colômbia #VibraElContinente #VibraOContinente pic.twitter.com/f1Pd9MUryq

— Copa América (@CopaAmerica) June 24, 2021

Categorized in स्पाेर्ट्स