सलाहको गोलसँगै लिभरपुल शीर्ष स्थानमा
SamacharDesk – आकाश राजोपाध्याय | २०८० मङ्सिर २४, आइतबार
इंग्लिस प्रिमियर लिगमा लिभरपुल शीर्ष स्थानमा उक्लिएको छ । शनिबार क्रिस्टल प्यालेसलाई २–१ गोलले हराउँदै लिभरपुल शीर्ष स्थानमा उक्लिएको हो ।
खेलमा अग्रता भने घरेलु टोली क्रिस्टलले जिन फिलिप मटेटाको पेनाल्टी गोलमा मार्फत लिएको थियो ।
जोर्डन अय्युले दोहोरो पहेलो कार्ड खादै मैदान छाडेपछि घरेलु टोली ७५ औं मिनेटमा १० खेलाडीमा सिमित बन्यो ।
लगत्तै सलाहले लिभरपुलका लागि बराबरी गोल फर्काएका थिए । उनले ७६ औं मिनेटमा लिभरपुलका लागि बराबरी गोल गरेका थिए ।
योसँगै सलाहले लिभरपुलका लागि २ सयौं गोल पूरा गरेको छ । सलाह लिभरपुलका लागि २ सय गोल पुरा गर्ने पाँचौं खेलाड हुन् ।
हार्वे इलियटले दोस्रो हाफको इन्जुरी समयमा लिभरपुलका लागि विजयी गोल गरेका थिए ।
पेनाल्टी क्षेत्रवाट उनले गरेको प्रहार गरेको बलले पोस्टको जालि छुँदा लिभरपुलले आर्सनललाई उछिन्दै तालिकाको शीर्ष स्थानमा कब्जा गरेको हो ।
शीर्ष स्थानमा उक्लिएको लिभरपुलले ३७ अंक जोडेको छ । क्रिस्टल १६ अंक सहित तालिकाको १५ औं स्थानमा छ ।
Categorized in स्पाेर्ट्स
