संस्कृति, पर्यटन तथा नागरिक उड्डयनमन्त्री भानुभक्त ढकाल कोरोना मुक्त भएका छन् ।

ट्वीटरमा ट्वीट गर्दै मन्त्री ढकालले आज गरिएको परिक्षणबाट आफ्नो कोभिड १९ को रिपोर्ट नेगेटिभ आएको जानकारी दिनुभयो ।

सोही ट्वीटमार्फत ढकालले स्वास्थ्यलाभका लागि विभिन्न माध्यमबाट सहयोग गर्ने र शुभेच्छा प्रकट गर्नेलाई कृतज्ञता व्यक्त गर्नुभएको छ ।

मन्त्री ढकाललाई गएको वैसाख १९ गते गरिएको परिक्षणमा कोभिड १९ संक्रमण पुष्टि भएको थियो । 

 

आज गरिएको परीक्षणबाट मेरो कोभिड १९को रिपोर्ट नेगेटिभ आएको छ । वैशाख १९ गते गरिएको स्वाब परीक्षणमा कोरोना संक्रमण पुष्टि भएको थियो । यसबीचमा स्वास्थ्यलाभका लागि विभिन्न माध्यमबाट साथ सहयोग तथा शुभेच्छा प्रकट गर्नुहुने सम्पूर्ण महानुभावप्रति हार्दिक अभार तथा धन्यवाद व्यक्त गर्दछु ।

— Bhanu Bhakta Dhakal (@dhbhanu) May 10, 2021

Categorized in राजनीति