arin enterprises

अमेरिका प्रवेश गर्न कोभिड टेष्ट गर्न नपर्ने

SamacharDesk | २०७९ जेठ २८, शनिबार

अमेरिका प्रवेश गर्न अबदेखि कोभिड टेष्ट गरेको प्रमाण पेस गर्न नपर्ने भएको छ ।

कोरोना भाइरसको महामारीले विगत लामो समय अमेरिका लगायत विश्व नै आक्रान्त भएको थियो । जसले गर्दा अमेरिका लगायत विश्वका विभिन्न मुलुकहरुमा विना कोभिड परीक्षण आवत जावतमा रोक लगाएको थियो ।

तर अहिले कोभिड महामारी घट्दै गएपछि अमेरिकी सरकारले पछिल्लो कदम चालेको हो । ह्वाइट हाउसका सहायक प्रेस सेक्रेटरी केभिन मुनोजले ट्विटरमा यसको पुष्टि गरेका हुन् ।

पयर्टक उद्योगकको चर्को लबिंगपछि सरकार कोभिड परीक्षण गरेको प्रमाण पेस गर्नु नपर्ने निर्णयमा पुगेको हो । यसअघि सबै यात्रुहरूले आफ्नो उडानमा चढ्नु अघि वा यात्राअघि कोभिड–१९ परीक्षण नेगेटिभ भएको प्रमाण पेस गर्नु पर्दथ्यो ।

तर, आइतबारदेखि यो नियम समाप्त हुँदैछ । अमेरिकी रोग नियन्त्रण र रोकथाम केन्द्र ९सीडीसी० ले ९० दिनमा नीतिको पुनः मूल्यांकन गर्नेछ । प्रशासनले भन्यो कि यो नियम पुनर्मुल्यांकन गर्ने भएका छ ।

तर, नयाँ भेरियन्ट देखिएमा र तत्काल पुरानो नीति अबलम्बन गर्न सकिने पनि केन्द्रले संकेत गरेको छ । अधिकांश गैर–अमेरिकी नागरिकहरूले अझै पनि देशमा यात्रा गर्न खोप लगाउनु पर्छ जवनरीदेखि अमेरिकामा कोभिड संक्रमितको संख्या ह्वात्तै घटेको थियो । यद्यपि, पछिल्ला दिनमा फेरि संक्रमण देखिन थालेको छ ।

अमेरिका कोभिड परीक्षण नीतिहरूको पुनःमुल्यांकनमा अन्य देशभन्दा पछाडि परेको त्यहाँको पर्यटन क्षेत्रको गुनासो छ ।

 

Categorized in अन्तर्राष्ट्रिय
SKIP THIS Maharjan Complex