पछिल्लो २४ घन्टामा कोरोनाभाईरस (कोभिड १९) को संक्रमणका कारण थप ९ जनाको मृत्यु भएको छ ।

थप ३ महिला र ६ जना पुरुषको कोरोना संक्रमणका कारण ज्यान गएको स्वास्थ्य तथा जनसंख्या मन्त्रालयले जनाएको छ ।

पछिल्लो पटक मृत्यु हुने ९ जनामध्ये ६ जना काठमाडौंबाट रहेका छन् । काठमाडौंकी ६५ वर्षीया महिला दुई जनाको मृत्यु भएको छ भने ५९ वर्षीय पुरुष २ जना, र ७० र ६४ वर्षीय एक एक जना गरी चार जना पुरुषहरुको ज्यान गएको छ ।

त्यस्तै कास्कीकी ४५ वर्षीया महिलाको पनि कोरोना संक्रमणकै कारण मृत्यु भएको छ भने सिन्धुपाल्चोकका ५९ वर्षीय पुरुष र मोरङको ६९ वर्षीय पुरुषको पनि कोभिडकै कारण निधन भएको छ ।

योसँगै नेपालमा कोरोना संक्रमणका कारण मृत्यु हुनेको संख्या ३ सय ४५ पुगेको छ ।

Categorized in समाज