कोरोना महामारीका बीच आकाशिएर तोलाकै एक लाख कटेको सुनको भाउ पछिल्ला दुई दिनमा भने केही घटेको छ ।

आज सुन प्रति तोला ९५ हजार ४ सयमा कारोबार भएको छ ।

आज छापावाल सुनको भाउमा तोलामा ६ हजार २ सय रुपैयाँले गिरावट आएको हो । हिजो पनि तोलामा ८ सय रुपैयाँ घटेको थियो ।

गत सोमबार तोलाको एक लाख २ हजार ४ सयमा कारोबार भएको सुनको मूल्य हिजो भने एक लाख एक हजार ६ सय रुपैयाँ कायम भएको थियो ।

महासंघका अनुसार आज तेजाबी सुनको मूल्य भने तोलाको ९४ हजार ९ सय रहेको छ । हिजो तेजाबी सुनको मूल्य प्रतितोला १ लाख १ हजार रहेको थियो । 

आज चाँदीको मूल्य तोलाको १२ सय १० रुपैयाँ कायम गरिएको छ ।

अन्तरराष्ट्रिय बजारमा सुनको मूल्यमा गिरावट आएसँगै नेपालमा पनि सुनको मूल्य घट्न थालेको हो । 

अन्तर्राष्ट्रिय बजारमा सुनको मूल्य प्रतिऔंस एक हजार ८९०.५५ डलरमा झरेको छ । 

Categorized in बिजनेस