चीनमा नयाँ संक्रमण बढ्यो
SamacharDesk – बिकाश | २०७८ जेठ १७, सोमबार
चीनमा कोरोना भाईरसको नयाँ संक्रमण फेरी बढेको पाइएको छ ।
चीनको राष्ट्रिय स्वास्थ्य प्राधीकरणले आइतबार एकै दिन चीनका विभिन्न भागमा २७ नयाँ संक्रमित भेटिएको बताएको छ । ती २७ मध्ये ७ जना मात्रै बाहिरबाट आएका मानिसहरु भएको बीबीसीले जनाएको छ ।
चीनियाँ स्वास्थ्य प्राधिकरणका अनुसार स्थानीय संक्रमितमध्ये ग्वान्जाउनमा १८ जना छन् भने २ जना फोशान निवासी हुन् ।
नयाँ संक्रमितको संख्या बढेको पाइएपछि उक्त शहरमा जाने उडानहरु रद्द गरिएको छ । ग्वान्जाउ बायुन अन्तर्राष्ट्रिय विमानस्थलका लागि तय भएको ५१९ फ्लाइट रद्द गरिएको छ ।
पछिल्लो २४ घण्टामा चाइनामा संक्रमणका कारण मृत्यु भने भएको छैन । यहाँ हालसम्म ९१ हजार ९९ जनालाई कोभिड संक्रमण भइसकेको छ भने तीमध्ये ८६ हजार १३५ जना संक्रमित निको पनि भइसके ।
चीनमा कोभिड संक्रमणका कारण मृत्यु हुनेको संख्या ४ हजार ६३६ रहेको छ ।
सन् २०१९ को अन्त्यतिर चाइनाको वुहानमै कोरोना भाईरसको संत्रमण शुरु भएको थियो ।
Categorized in अन्तर्राष्ट्रिय
