भारतमा विधानसभाको चुनाव
SamacharDesk – समाचारडेस्क | २०७८ माघ २७, बिहिबार
भारतमा आजदेखि विधानसभाको चुनाव शुरु भएको छ ।
कूल ३२ वटा राज्यमध्ये सबैभन्दा बढी जनसंख्या भएको उत्तरप्रदेशमा आज विधानसभाको चुनाव शुरु भएको छ ।
सात चरणमा गरिने निर्वाचनका क्रममा आज ५८ सीटका लागि मतदान शुरु भएको हो । सवा दुई करोड भन्दा बढी मतदाता रहेको उत्तरप्रदेशमा ११ जिल्लाका निर्वाचन क्षेत्रमा मतदान भइरहेको छ ।
मतदानका लागि करीब २६ हजार मतदान बुथ तोकिएका छन् भने ठूलो संख्यामा सुरक्षाकर्मी परिचालन गरिएको छ ।
मार्च ७ तारिखमा सम्पन्न हुने उत्तर प्रदेश विधान सभा निर्वाचनको परिणाम मार्च १० ताखिर सार्वजनिक हुने बताइएको छ ।
यसपटक पनि भारतीय जनता पार्टीले नै बहुमत ल्याउने मत सर्वेक्षणहरुले देखाएका छन् । यद्यपि अखिलेश यादवको समाजवादी पार्टीले पहिले भन्दा सीट संख्या बढाउने पनि सर्वेक्षणहरुको प्रक्षेपण छ ।
भाजपाले वर्तमान मूख्यमन्त्री योगी आदित्यनाथलाई नै मूख्यमन्त्रीको उम्मेदवारको रुपमा अघि सारेको छ ।
Categorized in अन्तर्राष्ट्रिय
