च्याम्पियन्स लिग फुटबलमा स्पेनिस क्लब बार्सिलोनाले पोर्चुगिज क्लब एफसी पोर्टोलाई हराएको छ ।

बुधबार समूह एचको खेलमा १० खेलाडिमा सिमित बार्सिलोनाले पोर्टोमाथि १–० को जित जित निकालेको हो ।

पहिलो हाफको इन्जुरी समयमा बार्सिलोनाका लागि फेरान टोरेसले गोल गरेका थिए । सोही गोल बार्सिलोनालाई तीन अंक दिलाउन पर्याप्त रह्यो ।

खेलको अन्तिम समयमा गाभी रातो कार्ड खादै मैदान बाहिरीएपछि बार्सिलोना १० खेलाडीमा सिमित बनेको थियो ।

समूह एचमा बार्सिलोनाले २ खेलमा ६ अंक सहित शीर्ष स्थानमा छ ।

पोर्टो ३ अंक सहित दोस्रो स्थानमा छ ।

अर्को खेलमा शख्तर डोनेस्कले बेल्जियमको रोयल एन्टवर्पमाथि ३–२ को जित निकाल्दै अंक तालिकामा तीन अंक जोडेको छ । 

Categorized in स्पाेर्ट्स