गुगलले ‘अर्गनाइज ट्याब’ नामक नयाँ फिचर ल्याउने भएको छ । क्रोम ब्राउजरमा धेरै ट्याब खोल्ने प्रयोगकर्तालाई लक्षित गर्दै गुगलले ट्याबहरुलाई व्यवस्थापन गर्न यस्तो फिचर ल्याउन लागेको हो ।

‘Leopeva64’ नामक एक्स (ट्वीटर) प्रयोगकर्ताले एक्समै भिडियो अपलोड गर्दै गुगलको यो नयाँ फिचरले कसरी काम गर्छ भनेर डेमो देखाएका छन् ।

अपलोड गरेको भिडियोमा देखाए अनुसार ब्राउजरको माथिल्लो बायाँ भागमा ‘अर्गनाइज ट्याब’ अप्सन पाउन सकिन्छ ।

त्यसमा क्लिक गर्दा विभिन्न ट्याबहरुको फरक–फरक समूह बन्छ । यस फिचरले ट्याबमा खोलिएको विषय अनुसार समूह बनाउँछ भने ती समूहलाई प्रयोगकर्ताले पछि आफू अनुकूल नाम राख्न पनि सक्छन् ।

यद्यपि गुगलले आधिकारिक रूपमा यस फिचरबारे केही बताएको छैन ।

गुगलको यो नयाँ फिचरले माइक्रोसफ्ट एजमा भएको ‘ग्रुप सिमिलर ट्याब्स’ फिचरले जस्तै काम गर्ने बताइएको छ ।

केही समय अगाडि मात्रै सार्वजनिक गरेको उक्त फिचरमा माइक्रोसफ्टले एआईको प्रयोग गरेको छ ।

यसकारण ‘अर्गनाइज ट्याब’ मा पनि गुगलले एआई प्रयोग गरेको हुनसक्ने अनुमान पनि गरिएको छ ।

"Create group" will be one of the options in Chrome's new "Organize Tabs" menu, the button for this purpose already appears in the Canary version, although for now it is just a placeholder:https://t.co/qKufqs49XM
.https://t.co/Rrpgr3kNah pic.twitter.com/Y6RcovMS0n

— Leopeva64 (@Leopeva64) September 19, 2023

Apparently one of the options of Chrome's new "Organize Tabs" feature will be the automatic creation of tab groups, after organizing tabs into different groups, Chrome will allow you to rename them, this is what this option currently looks like in Canary:https://t.co/Tee5JieYgx pic.twitter.com/vjAY7KtIhj

— Leopeva64 (@Leopeva64) October 6, 2023

Categorized in विज्ञान-प्रविधी