पहिलोपटक मानव मस्तिष्कमा चिप प्रत्यारोपण गरेको मस्कको दाबी
SamacharDesk | २०८० माघ १६, मंगलबार
न्युरालिंकले पहिलो पटक मानव मस्तिष्कमा चिप प्रत्यारोपण गरेको दाबी गरेको छ । न्युरालिंकका संस्थापक एलन मस्कले सामाजिक सञ्जाल एक्समा एक पोस्ट राख्दै आइतवार पहिलो पटक मानव मस्तिष्कमा चिप राखिएको दाबी गरेका हुन् ।
उक्त पोस्टमा मस्कले चिप प्रत्यारोपण गरिएको व्यक्ति निको हुँदै गइरहेको उल्लेख गरेका छन् ।
न्युरालिंकको पहिलो प्रडक्टलाई मस्कले टेलिप्याथी नाम दिएका छन् । मस्कका अनुसार यसको सहायताले व्यक्तिले सोचेकै भरमा आफ्नो फोन, कम्प्युटर वा अन्य कुनै डिभाइस नियन्त्रण गर्नसक्नेछ ।
“हिजो न्युरालिंकवाट पहिलो मानवमा चिप प्रत्यारोपण गरियो, ऊ निको हुँदै गइरहेको छ । सुरुवाती अवस्थामा आशाजनक न्युरल स्पाइक पत्ता लगेको छ” एक्समा मस्कले लेखेका छन् ।
गत वर्ष अमेरिकी फुड एन्ड ड्रग एडमिनिस्ट्रेसन (एफडीए) ले न्युरालिंकलाई मानवमा चिप प्रत्यारोपण गर्न अनुमति दिएको थियो ।
विशेषगरी गम्भीर पक्षाघात भएका र हात खुट्टा गुमाएका व्यक्तिले न्युरल सिग्नलको सहायता विभिन्न प्रविधि प्रयोग गर्न सकून् भन्ने उद्देश्यले कम्पनीले मस्तिष्कमा चिप प्रत्यारोपण गर्ने अवधारणा अगाडि बढाएको थियो ।
अर्थात् जो व्यक्ति भौतिक रूपमा कमजोर छन्, तर मानसिक रुपमा तन्दुरुस्त भएकाहरुको लागि यो प्रविधि बरदान हुने मस्कको अपेक्षा छ ।
न्युरालिंकले हालसम्म यो परीक्षणका लागि कति व्यक्ति सहभागी भएका छन् भन्ने खुलाएको छैन ।
न्युरालिंक मात्र नभई प्रिसिसन न्युरोसाइन्स भन्ने कम्पनीले गत वर्ष मानव मस्तिष्कमा चिप प्रत्यारोपण गर्न सकिने विषयबारे अध्ययन गरि प्रतिवेदन सार्वजनिक गरेको थियो ।
यस्तै ब्रेन कम्प्युटर इन्टफेसका लागि पाराड्रोमिक्स नामक कम्पनी पनि यो दौडमा अगाडि बढिरेहको छ ।
यो वर्षको मध्यसम्म उक्त कम्पनीले मानवमा पहिलो पटक चिप प्रत्यारोपण गर्ने सीएनबीसीले जनाएको छ ।
The first human received an implant from @Neuralink yesterday and is recovering well.
— Elon Musk (@elonmusk) January 29, 2024
Initial results show promising neuron spike detection.
Categorized in विज्ञान-प्रविधीEnables control of your phone or computer, and through them almost any device, just by thinking.
— Elon Musk (@elonmusk) January 30, 2024
Initial users will be those who have lost the use of their limbs.
Imagine if Stephen Hawking could communicate faster than a speed typist or auctioneer. That is the goal.
